sunrise-kh

   កម្មវិធីជិះកង់កម្សាន្តទៅខេត្តព្រៃវែងស្រុកបាភ្នំដែលជាតំបន់អភិរក្សសត្វស្លាបរៀបចំដោយក្រុមតោះជិះកង់និងប្អូនប្អូនចម្រុះក្រុមសរុប២៣រូបកាលពីថ្ងៃអាទិត្យទី១២មករា២៥៦៣/2020។   យើងបាបជួបជុំគ្នានៅវិមានឯករាជ្យវេលាម៉ោងប្រាំនិងសាមសឹបនាទីក៏បានចេញដំណើរ ដោយកង់ភ្នំឆ្លងកាត់កំពង់ដរអរិយក្ស ល្វាឯម ស្ពានពាម រហូតដល់តំបន់អភិរក្សសត្វស្លាបទួលព័ន្ធតាឡី ដែលមានរយៈចំងាយប្រហែលប៉ែតសិបប្រាំគីឡូម៉ែត្រ បើយើងធ្វើដំណើរតាមត្រើយខាងជើងទន្លេមេគង្គ និងប្រហែលមួយរយគីឡូម៉ែត្របើធ្វើដំណើរតាមផ្លូវលេខជាតិលេខមួយ។   បឹងស្នេហ៍ជាអំណោយផលធម្មជាតិ សណ្ឋានដីសើមដែលបង្ករភាពងាយស្រួលដល់បងប្អូនប្រជាកសិករប្រកបកសិកម្មបានយ៉ាង និងអាចទាញយកទឹកពីផ្ទៃបឹងមកស្រោចស្រប់ដំណាំស្រូវ និងតំណាំផ្សេងបាន។  វាស្រែខៀវខ្ចីប្រទាក់ក្រឡាគ្នាមិនដាច់រយៈគួរគយគន់ អមដោយដើមត្នោតតូចធំជាលម្អរជុំវិញមាត់បឹងនេះ។   ទូកទេសចរបណ្តែតខ្លួនលើផ្ទៃគង្គា គ្របដោយដំបូលរេរាំតាមកំលាំងរលកតូចធំម្តងលេចម្តងអណ្តែត លាយឡំដោយខ្យល់ជំនោត្រជាក់ កំពុងត្រៀមខ្លួនទន្ទឹងផ្លូវអ្នកទេសចរណ៍មកកម្សាន្តសត្វស្លាបរាប់ម៉ឺនដែលកំពុងរកចំណីខ្លះ ហែបហែលបណ្តែតខ្លួនលើដងជលសាខ្លះ និងខ្លះទៀតកំពុងតែហ...