បីឆ្នាំពីរខែ
រតនាមានអាយុបីឆ្នាំពីរខែហើយ
ចំណូលចិត្តធំគឺ ការជិះកង់។ ពេលនេះអាចជិះកង់ដោលបានយ៉ាងស្ទាត់ ហើយអាចជិះដោយលើកជើងទាំងពីរទៀតផង។ នេះជាការគ្រប់គ្រងលំនឹង ដែលអាចជិះកង់បានដោយមិនបាច់មានកង់ទប់សងខាងបាន។
ពិធីភ្ជាប់ពាក្យ
តាមប្រពៃណីខ្មែរ មុននឹងឈានចូលដល់រៀបអាពាហ៍ពិពាហ៍ គឺមានពិធីច្រើនយ៉ាងណាស់ដូចជា ការចូលចែចូវរវាងមេបា ពិធីស៊ីស្លា រហូតដល់បីលើកក៏មានដែរ ក្នុងន័យចង់ដឹងថា តើកូនស្រី របស់អ្នកដែលខ្លួនពេញចិត្តនោះ មានជាប់ពាក្យជាប់សំដីជាមួយអ្នកដ៏ទៃ ឬ មានគួកំណាន់ចិត្តហើយឬនៅ។ នៅពេលដឹងថា ពិតជានៅមិនទាន់មានជាប់ពាក្យជាប់សម្តីជាមួយអ្នកណាម្នាក់នៅទេគឺ ខាងប្រុសក៏ចូលមកស្តីដណ្តឹងអោយកូនប្រុសរបស់គាត់យកជាគូអនាគតតែម្តង។ នេះជាគ្រឿងរណ្តាប់ផ្លែឈើគ្រប់មុខដែលខាងប្រុសយកមកស្តីដណ្តឹងខាងស្រី តាមលក្ខណៈប្រពៃណីខ្មែរ គឺមានផ្លែឈើ៣២មុខ ឬតិចជាក៏បានដែរតែគេសន្មតថាមាន៣២មុខ ដូចជា ដូង ដំឡូង ស្វាយ ក្រូច ចេក អំពៅ ត្រាវជាដើម។ ការចូលដណ្តឹងគឺមានពុកម្តាយ ទាំងសងខាងចូលរួមដឹងលឺ និមានញាតិមិត្តធ្វើជាសាក្សីទៀតផង។ មេបាខាងប្រុសក៏ចាប់ផ្តើមពាក្យសម្តីមុន ទម្រងប្រពៃណីខ្មែរ និងសាកសួរពីតម្លៃ ខាន់ស្លា ឬតម្លៃទឹកដោះ។ បើតម្លៃនោះថ្លៃពេកក៏មានការចរចារណ៍អោយសមរម្យតាមសមត្ថភាពគ្រួសារខាងប្រុសផងដែរ។ ពុកម៉ែខាងប្រុស និងពុកម្តាយខាងស្រីនិយាយតម្លៃខាន់ស្លា ដោយមានអ្នកមហា និង មេបាទាំងសងខាងចូលរួម កាលណាត្រូវតម្លៃខាន់ស្លាហើយ ពុកម្តាយទាំងសងខាងក៏ជូស្លាម្លូរគ្នាពិសារ ...
Comments
Post a Comment