sunrise-kh

ទី២៨តុលា២៥៦៣ ជាថ្ងៃភ្ជុំធំ ខ្ញុំបានទៅធ្វើបុណ្យប្រគេនចង្ហាន់ នឹងបច្ច័យ ជាមួយក្រុមគ្រួសារបងប្អូន នាវត្តប្រាសាទទឹកឆា បន្ទាប់មកបានចូលមើលប្រាទបុរាណ ដែលបានសាងសង់នៅដើមសតវត្សរ៍ទី១១ សាងឡើងដោយព្រះបាទសូរ្យវរ្ម័នទី១ សោយរាជក្នុងគ្រឹះគស១០០១~១០៥០    ឈ្មោះដើមថា សិទ្ធិបុរៈ ប្រាសាទនៃសេចក្តីចម្រើន។ប្រាសាទនេះសាងសង់ឡើងក្នុងគស១០២៥ ជារចនាបថខ្មែរ។ ដែលស្ថិតនៅភូមិក្រូច ស្រុកព្រៃឈរ កំពង់ចាម។ ក្នុងប្រាសសាទ បានបាក់រាបសល់តែដំថ្មរប៉ាត់រប៉ាយរាយពេញដី មិនទាន់មានការរៀបចំអោយមានរបៀបនៅឡើយ។ ម្លប់ឈើតូចធំ ធ្វើអោយផ្ទៃប្រាសាទត្រជាក់ត្រជុំ អមដោយខ្យល់បត់តិចៗ បណ្តាលអោយអារម្មណ៍ស្រស់ថ្លា។ បើបងប្អូនអញ្ជើញទៅលេងទឹកឆា សូមកុំភ្លេចឈាងចូលទស្សនាប្រាសាទបុរាណនេះផង។

ខាងលិចសាលាលេខប្រាំ ជាទីនេសាទដោយសំណាញ់នារដូវទឹកឡើង។ ទឹកលិចសន្ទូងតិចៗអមដោយដើមត្នោត បង្កើតបានជាទេសភាពស្រស់ត្រកាល។ ខ្យល់ត្រជាក់បក់មកល្ហើយត្រសៀក ធ្វើអោយអារម្មន៍ស្រស់ស្រាយ។

ថ្ងៃនេះបានធ្វើដំណើរកម្សាន្តដោយឡាំប្រឺតា ទៅកាន់ស្ពានព្រែកក្តាម ដើម្បីមើលចម្លាក់ស្ពាន់ ដែលឆ្លាក់ដោយដៃ នៅកំពង់លួង ជាភូមិរចនា  រួចបន្តដំណើរទៅកាន់ភ្នំព្រះរាជទ្រព្យ កាត់ផ្លូវដី តាមភូមិ ដើម្បីណែនាំភ្ញៀវមើលទេសភាពបៃតងរបស់វាលស្រែទៀតផង។ បន្ទាប់មកយើងបាននាំគ្នាឡើងកំពូលភ្នំ គយគន់ចេតិយសម័យព្រះអង្គងដែលសាងឡើងនាឆ្នាំ១៨៤៩។ ប្រហែលម៉ោងបួនក៏នាំគ្នាឡើងកំពូលភ្នំបាសិទ្ធិ មើព្រះពុទ្ធបរិនិព្វាន ដែលសាងសង់ប្រហែសតវត្សទី៧ ។  យើងអាចនិយាយបានថាជាពុទ្ធបដិមាធំជាងគេក្នុងកម្ពុជា ប្រវែងប្រហែ១៥ម៉ែត្រ កំពស់ប្រហែលប្រាំម៉ែត្រ។